港鐵舉行高鐵列車開放日，因為只有我係港鐵友禮會會員(媽咪冇登記)，所以我只抽到兩張飛，而呢個名額就只有留俾哥哥(今次呀芊冇份去)。親眼見到大大架高鐵喺面前，真係超型好靚呀！
開放日分咗四個參觀時段，都係早前透過網上問答遊戲派發4000張參觀門券。
我哋第二個時段，大約二時乘搭大會提供的穿梭巴士到達石崗
未出發先興奮，哥哥在巴士上已經拎住部相機係咁影
大約5分鐘就已經到達石崗列車停放處
一落車我哋就直接進入高鐵停放處的導賞團，職員喺我哋張飛度蓋印章後(因為只可以參觀一次)，我哋就跟指示進入高鐵列車
其實好似鴨仔團咁，每個景點停留唔夠一陣，就俾職員趕住去下個景點。當然大家都明白，因為參觀人數多的關係，大家都好配合，只係我又影相拍片，成日俾人催 Hahaha~
我哋先進入「一等座」參觀
在車廂適當距離的天花位置上就會設有一電視屏幕
入到去「一等座」車廂，燈光柔和，座椅舒服，而且設備都好多
椅背可以按掣移動向後挨，窗口也設有拉簾遮光(人手拉動)
椅背設有小燈，可以晚上看書用又不影響其他乘客
參觀完「一等座」車廂後，我哋就通過寛闊的通道到「二等座」車廂，兩車廂之間設有飲水裝置，提供冷熱水飲用
仲有經過洗手間，真係超大喎！
「二等座」車廂座椅則用了橙、黃、灰，三種顏色
不過行李架似乎比較細，不過兩旁較高位置也設有擺放行李的地方
座椅也很舒適，每行前後距離幾遠，空間感十足
坐長途車有插電座是常識吧！當然設有香港大陸兩用插式
話咁快就導賞完整架高鐵列車
因為出咗去就冇得再番入嚟，所以嗱嗱淋即刻打多幾張卡
哥哥無端端同車廂內的職員叔叔影相，佢都幾Chok喎
最近距離接觸高鐵 ~
離開咗高鐵之後，我哋走到隔離的遊戲區玩，一嚟就見到架靚靚嘅高鐵模型
我哋喺車廂內顯示屏睇到，高鐵站香港段會命名為「香港西九龍」
列車依家正進行各種測試，預計今年底至明年首季可以完成。而通車則預計明年第三季
亦設有展板介紹高鐵各項資訊
其實入場券背面就係三張遊戲券及一張禮物換領券
每個遊戲攤位都可以認識到高鐵的各方面，包括設施、速度及路綫等
其實全部遊戲都冇難度，只要睇住前面個人點玩，跟住佢玩就實冇錯，哈哈～全部都係小小禮物，但求大人小朋友玩得開心
最後坐番穿梭巴士離開，落車時咁啱撞到CCTVB記者，哥哥竟然主動話想接受訪問，即係要拉埋我落水啦
不過最後我哋睇晚間新聞都見唔到自己上電視 (心裡鬆咗一口氣，哈～)
今日真係有D熱，臨番歸前去跳蚤巿場啪番支雪條先！
Photo by CANON 5D Mark IV, Len | EF 16-35mm f/2.8L USM
想跟我去體驗其他活動，快D報名親子團，同埋留意專頁公佈詳情啦！
呀劍評分: 8分
呀劍評語: 火車路軌不嬲都係小朋友嘅至愛，加上高鐵通車在即，可以率先嚟親身目睹其真身，小朋友經已夠哂興奮開心
10月7日
活動時間
14:00-17:00
地點
石崗列車停放處
費用
免費
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
05 Aug, 22
【親子好去處】西園 Saiyuen 「Green Summer 綠活之夏」 Green Summer is Coming to Town！
邊個話露營係秋冬活動，熱辣辣一樣可以去Camping，遇上西園今年的「Green Summer 綠活之夏」,哥哥同呀芊又可以夏日炎炎玩個夠。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。
18 Jul, 21
【親子好去處】帝景酒店 x 麗都灣 消暑平價の選 玩足2日1夜
想當年仲記得自己第一篇好去處文，都已經差唔多有成7-8年，其實嚴格嚟講都唔可以叫做文，因為嗰陣文字未發育的我，根本就冇諗過要寫咩分享文，其實我只係寫日記。
12 Jul, 21
【親子好去處】盛夏森林 Splash N' Forest 親子濕身玩水派對
今年好矚目的消暑活動「盛夏森林」 ，周圍都見到佢哋廣告，集玩水、美食、音樂於一身，呢個暑假點都要去玩先似放緊暑假。