【親子好去處】旺角豐衣足食迎豐年 @MOKO新世紀廣場

話咁快2017年過咗成個星期，好快就到新年啦！新年有咩攪作？梗係行年宵啦，室內年宵你又行過未？今年Moko新世紀廣場就有一個名為「豐衣足食迎豐年」嘅室內年宵巿場啦！

喺商場MTR樓層中庭，十數個攤位美食攤位再加上其他人氣貨品：阿一鮑魚、安記海味等

我一向都唔係太敢買呢類貨品，一來唔係好識揀，二來又覺得太貴，所以今次可以乘機試一試，因為喺指定周日有個「特賣日」同埋年三十晚有個「除夕特賣夜」，聽講話會抵上抵

對於小朋友嚟講，蔘茸海味梗係唔會有興趣啦，最吸睛就係呢檔Hey Candy手工糖果，一行埋去就隨手拎起Minion同埋精靈球波板糖

另外仲有其他唔同造型嘅糖果

為今次年宵以製的幾款祝福字系列手工糖果，有寫住「發、福、喜。。。」等新年賀字，顏色好靚，見到都想食！

點解反白眼？因為有得睇冇得食，哈哈！牙齒唔多好嘅哥哥，都係少食為妙，不過一場嚟到姐姐請佢食咗兩粒，就冇所謂啦

另外商場仲推出一個「新春搶鮑山」互動遊戲，個遊戲玩法超過癮，大家只要用手機對住商場大電視Scan個QR Code就可以連接大電視，電話變搖控器去搶鮑魚。

仲可以同「真 ‧ 包山皇后」鄭麗莎集郵！今日真係好開心

遊戲開始前會倒數俾在場朋友參與，就嚟開始玩啦好緊張呀！每日最高分嘅玩家仲可以贏取鮑魚呀

仲有在商場內消費滿指定金額，即刻可以換番餐鮑魚盛宴(百樂潮州酒樓/北京樓/鴻星海鮮酒家)

見到口水都流埋...

呢碗甜品「馬蹄片豆爽」連哥哥都話好好味！

年年都行維園，不如今年試試行呢個室內年宵巿場啦！

Photo by CANON 5D Mark IV, Len | EF 24-70mm f2.8L II USM

想跟我去體驗其他活動，快D報名親子團，同埋留意專頁公佈詳情啦！

http://goo.gl/forms/CNZMEPoMIWkouK8o2

呀劍評分: 9分

呀劍評語: 唔駛好似喺維園咁逼，喺特賣日仲可以有好多筍嘢執！每年行年宵買埋D唔等駛嘢，今年嚟行呢個室內年宵買番D實用嘢確係正

豐衣足食迎豐年 簡介

踏入2017年送猴迎雞，又到辦年貨大出血的時節，與其絞盡腦汁四圍格價，不如來MOKO新世紀廣場一站式搜羅至筍年貨啦！今年商場於2017年1月6日至26日期間呈獻【豐衣足食迎豐年】室內年宵市場，場內12個賀年美食攤位及逾60家珠寶鐘錶、流行時裝、美容、健康食品商戶及食肆將推出過百款精選新春優惠。

賀年美食攤位除了再度合作的一田超市外，還有其他人氣之選，包括：阿一鮑魚、安記海味、好東西等海味龍頭，以及藝人謝霆鋒主理的鋒味曲奇以及由80後開設的手工糖果Hey Candy等等，由傳統以至新潮年貨均應有盡有，一次過滿足你所有辦年貨的需要，祝願各位雞年「豐衣」又「足食」，錦衣美食迎接富裕雞年。

今年MOKO新世紀廣場還創新增設「新春搶鮑山」大電視遊戲，每日最高分的朋友更有機會獲贈黃金吉品鮑魚，「鮑」大家盆滿缽滿過肥年。

日期
6-26/1/2017

時間
上午十時至晚上十時
25-26/1 延長營業時間至12mn

地址

MTR樓層中庭

免費入場

(以上資料更新至文章當日)

Facebook專頁: 呀劍萬帥 kimfamilytravel

Blog網誌 : kimfamilytravel.blogspot.hk

13 Aug, 22

【親子好去處】荃灣西如心酒店動漫迷之選新世紀福音戰士「仲夏狂歡住宿體驗」

今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去荃灣西如心酒店來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。

01 Dec, 21

【親子好去處】AK都有玩 Sasuke Fitness Ninja Warrior 化身忍者挑戰關卡

平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。

08 Nov, 21

【親子好去處】小白兔音樂農莊 New Bunny Wonderland 兔！全部都係兔

久違了農莊親子遊一段日子，今日終於可以再去親親大自然，而且今次都係久地重遊。

25 Aug, 21

【親子好去處】Dunk Sports Training Centre 起躍體育訓練中心全集中の訓練信心と堅持

做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。

16 Aug, 21

【親子好去處】STEM Carnival @ Cyberport 大玩編程 DJI無人機 RoboMaster 參觀智能農場餐廳

今個暑假不單只同陽光與海灘玩遊戲，有時靜靜地鍛鍊一下大腦玩玩編程都很好，今次由Ask Idea 和 DJI Education 舉辦的「ASK Idea呈獻：STEM嘉年華」就在數碼港 Cyberport 同大家一齊開心玩啦。

04 Aug, 21

【親子好去處】悅來酒店 Panda Hotel 熊貓夏祭食宿套餐扮番鄉下の旅人

又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。