適逢康文署博物館整個一月份都係免費開放
今日去番好耐冇去過既香港歷史博物館
仲參加咗個工作坊好開心呀!
我哋啱啱嘆完HELLO KITTY中菜軒! 食得飽飽之後就起程我哋下午既節目喇
上一站>>CLICK HERE!
【親子餐廳】佐敦 Hello Kitty 中菜軒
我哋沿住柯士甸道一直行到去香港歷史博物館
其實我哋行到去門口見到張海報先記得番今個月係免費
我哋喺地面門口直接入去! 因為一入去就可以去埋厠所同埋香港故事個入口就喺地下呢層
一入到去門口楝咗個牌寫住只可用手機影相
但係我不嬲用單反同埋呢度好暗一定要閃燈, 知道唔用得就好Down
但係影吓影吓發現冇人阻止我, 我就繼續...heee
大家都應該好熟識呢度, 不過芊芊就第一次嚟! 哥哥再嚟就開始夠大個去認識咩叫「原始人」
哥哥拎住部機周圍係咁影, 我叫住佢唔好不停影
叫佢要用眼欣賞, 覺得值得先至用相機記錄
當然佢就冇聽我講啦....結果之後就冇哂電
之後妹妹好大方咁借部機俾哥哥繼續影!
其實呢度都唔知點解要咁暗! 而且哥哥越行就越眼瞓!
我開始用我一知半解既知識嚟講解俾哥哥知
話俾佢聽呢度係元朗既特色, 呢D燈籠叫「子孫燈」
跟住媽咪發現咗有個雜貨舖模型製作工作坊
免費唔駛錢, 即時報名入去玩就OK
我哋咁啱嚟到撞正4:30開始另一場工作坊, 又未滿20人, 就即刻諗都唔諗入去玩吓
呢度用咗林村做佈景! 其實係職員哥哥派咗D雜貨舖模型卡紙俾我哋
然後砌番個立體模型出嚟!
妹妹當然未識砌, 所以只係喺側邊攪攪陣, 不停叫我幫佢搣膠紙
大功告成!! 原來呢個模型係真有其物, 職員哥哥話俾我哋知一陣行去上面個層就會見到
妹妹真係入型入格, 哥哥大個仔開始對影相冇咩表情!
之後我哋入咗去睇短片, 係咁E講吓邊個叫林則徐俾哥哥知道!
哥哥問點解D炮彈放喺度唔會爆, 但係放入炮裡面射出嚟就會爆炸既? (唔識答tim)
令人懷念既郵筒! 佢哋都唔知身後一排紅色牆原來係信箱!
哥哥望緊以前既電話! 諗番依家我哋拎住既iPhone, 佢都完全唔明! HHHaaaa...
我哋頭先砌既雜貨舖, 真有其舖呀!!
哥哥配合得好好!
我同哥哥講呢個就係古代既老師! 同埋跪喺地上既學生!
芊芊主動叫我幫佢影相! 好攪笑, 自己搵咗個位坐低叫我影
芊芊最鍾意既電車!!! 叮叮叮
最懷念係呢個喺電車尾既樓梯暗格
我細個最鍾意坐喺呢度!
我話「哥哥, 你睇吓你同芊芊依家幾幸福, 以前DaddyMommy屋企就係咁架啦!」
佢哋轉眼就閃咗去第二度冇理我...
最後佢哋兩個見到張櫈仔就要過去坐
明明有幾張係都要爭...呢D就係兄妹!
芊芊最後, 真‧ 嬲豬
Photo by CANON 5D Mark III, Len | EF 24-70mm f/2.8L USM
呀劍評語: 除咗太暗之外我冇咩Comment!
香港歷史博物館 簡介
香港歷史博物館的前身是市政局於1962年在大會堂成立的「香港博物美術館」。1975年7月，「香港博物美術館」一分為二，分拆為「香港藝術館」和「香港博物館」。新成立的香港博物館初時租用尖沙咀星光行為館址，1983年遷往九龍公園臨時館址，1998年7月遷至尖沙咀漆咸道南現址。「香港博物館」由1998年4月1日起，易名為「香港歷史博物館」。
地址
香港九龍尖沙咀漆咸道南100號（香港科學館側）
開放時間及入場費
請參考 http://www.lcsd.gov.hk/CE/Museum/History/zh_TW/web/mh/plan-your-visit/admission.html
電話
2724 9042
網址
http://hk.history.museum
http://www.lcsd.gov.hk/CE/Museum/History/
http://hk.history.museum
http://www.lcsd.gov.hk/CE/Museum/History/
RELATED POST
13 Aug, 22
【親子好去處】荃灣西如心酒店 動漫迷之選 新世紀福音戰士「仲夏狂歡住宿體驗」
今個學年好似返咗好耐，全因為無嗱嗱多咗個復活暑假，攪到今個真暑假短到核爆，但係「玩」必須繼續，一於去 荃灣西如心酒店 來個 Staycation 玩盡個 Weekend～如心酒店坐落如心廣場，其實真係超方便，鍾意的話可以走過附近商場食買玩，再唔係去返荃灣巿中心掃街又得，不過酒店咁多設施，又駛乜周圍搵嘢玩。
01 Dec, 21
【親子好去處】AK都有玩 Sasuke Fitness Ninja Warrior 化身忍者挑戰關卡
平時睇電視食花生就多，估唔到今日第一次去玩Ninja Warrior係咁好玩～今日帶芊芊去玩新玩意，就係化身去做忍者，學人飛蟬走壁，其實呢樣玩意係叫做 Ninja Warrior，喺外國係好出名，不過在香港都真係幾少有。
25 Aug, 21
【親子好去處】Dunk Sports Training Centre 起躍體育訓練中心 全集中の訓練 信心と堅持
做人一定要有火，唔係話要火爆，而係要有鬥志專心去做一件事，今日就帶咗哥哥同芊芊來打籃球。
04 Aug, 21
【親子好去處】悅來酒店 Panda Hotel 熊貓夏祭食宿套餐 扮番鄉下の旅人
又係望梅止渴的時侯，因為今個暑假逢星期五至日 #悦來酒店將會舉行「#熊貓夏日祭」🚩，去唔到日本都扮去咗～特別介紹的是日式美食亭，有盡各樣串燒同甜品美食，黑豚腩串燒係我哋至愛，肉爽又好香口，加埋串燒醬汁簡直無得輸；仲有海鮮大阪燒同埋和牛餐包，連媽咪佢都話好食(真係好難得)🤭其他仲有大葱、燒菇、鹽燒雞翼、安格斯牛肉串、汁燒帆立貝、蒲燒䲆魚💦真係再講番都留哂口水。
30 Jul, 21
【親子好去處】暑假必到 Pixar 彼思動畫的科學秘密 @科學館HKSCM
上次去完 Pixar Fest，今次又來一個Pixar #彼思動畫的科學秘密，點可以錯過呀，真係今個暑假必到的好去處。
29 Jul, 21
【親子好去處】遨凱酒店 The Olympian 豪華入住 超高樓底 五星級套房
暑假過咗一半，點可以俾佢停，一於再去Staycation，為一家人製造更多美好回憶～今次來到奧運站附近的酒店～遨凱酒店 The Olympian Hong Kong今次來到一個超「隱世」...都係唔好講「隱世」(廢事好似太誇張咁) 但係我經過這裏超多次，都一直沒有留意到原來有間酒店。